PLACAS DE PONTEVEDRA
Mateo
Fontán Couto
Existen en tódalas cidades e poboados e pode ser –teño
eu esa sensación– que moitas ou a maioría delas sexan unhas
grandes descoñecidas. As placas conmemorativas ou de homenaxe nos
falan de nomes ilustres ou grandes acontecementos dignos de ser
lembrados. Outras sinalan o lugar de nacenza ou a casa onde morreu
tal ou cal eximio personaxe.
As rúas
ou avenidas poden levar o seu nome
gravado sobre artísticas placas. Tamén son moi numerosas as que
forman parte dun monumento ou as que indican a data da inauguración
de edificios institucionais ou construcións. Algunhas van
unidas a grandes pedras formando o que coñecemos como monólito.
Outras recordan aniversarios ou indican
algún feito relevante no sitio onde se atopan instaladas. Todas procuran a memoria dalgún feito ou persoa e non debemos darlle as costas ao que nos teñen que contar. Tamén existen as placas que anuncian profesións ou establecementos, ou incluso as que sinalizan algo, posuíndo un sentido máis ben simbólico.
Ás veces
as placas desaparecen ou son roubadas. En Pontevedra poderiamos
sinalar a que se
lle dedicou, por parte do Centro Gallego de Barcelona, á moi nova
poeta Pilar Bértola, que gozou de fama como gran declamadora. Dous anos despois da súa tráxica morte, en 1936, unha placa de bronce, que incluía o busto da
moza, foi colocada na súa casa no Campo do Boi. Despois dun
incendio a casa foi reconstruída e nunca máis se soubo da placa, a
cal nin se chegou a recolocar. Outra placa
desaparecida na nosa cidade foi unha en
homenaxe á Sociedade Coral Polifónica de
Pontevedra, instalada a moi mala altura na balaustrada da rúa
Laranxo. Un pregúntase que si foron merecentes dunha placa de
homenaxe, por que non o son da restitución
da mesma en caso da súa desaparición? Éche un misterio!
Noutras
ocasións as placas son reclamadas pola cidadanía
pero, coido que debido
ao influxo do
mesmo trasno que
as leva, nunca chegan a se materializar. A
placa no lugar onde tiña o despacho Casto Sampedro e onde se producía un dos grandes faladoiros da Pontevedra da época, sendo “cuartel de
operacións” para a Sociedade Arqueolóxica, foi solicitada varias
veces en diversos medios. A da casa de toda a vida de Filgueira Valverde segue sen
chegar cando, por exemplo, a situada no edificio onde viviu Maria
Victoria Moreno xa loce oufana para a nosa cidade. Ambos
foron homenaxeados no Día
das Letras Galegas, ambos a merecen, pero un non a ten. Á súa vez, na casa natal de Valentín Paz Andrade, en Lérez, as paredes móstranse espidas de recoñecementos. O mesmo ocorre nas casas onde nalgún momento viviron persoeiros como Losada Diéguez, Celso Emilio Ferreiro ou Torrente Ballester, por citar uns poucos exemplos.
As placas son encargos, a gran maioría das veces, das administracións ou das asociacións e adoitan a se realizar en metal, sobre todo bronce. Tamén as atopamos en pedra ou, máis raramente, noutros materiais como plástico ou o polimetilmetraquilato. Miremos máis para elas e apreciémolas na medida en que nos axudan a lembrar e –case sempre– a facer xustiza.
As placas son encargos, a gran maioría das veces, das administracións ou das asociacións e adoitan a se realizar en metal, sobre todo bronce. Tamén as atopamos en pedra ou, máis raramente, noutros materiais como plástico ou o polimetilmetraquilato. Miremos máis para elas e apreciémolas na medida en que nos axudan a lembrar e –case sempre– a facer xustiza.
ALGUNHAS PLACAS EN PONTEVEDRA
De homenaxe e conmemorativas
 |
A María Victoria Moreno  |
 |
En memoria de Sebastián González García-Paz |
 |
A Manuel Murguía |
 |
Aos irmáns Aurora e Xoán Vidal Martínez |
 |
| A Ricardo Portela Bouzas "Gaiteiro de Viascón" |
 |
A Celestino Poza Pastrana |
 |
A Xosé Filgueira Valverde (I.E.S. Sánchez Cantón) |
 |
| A Juan Bautista Andrade |
 |
| Ao establecemento "La Navarra" |
 |
Aos irmáns Nodales |
 |
A Leandro del río Carnota |
 |
A José Antonio Fernández Recuna (Igrexa de San José) |
 |
Á Orde Franciscana |
 |
Aos País Franciscanos |
 |
A Alonso de Fonseca |
 |
| A Arturo Souto |
 |
A Manuel Quiroga Losada  |
 |
A Manuel Silvestre Armero |
 |
| A Perfecto Feijoo Poncet |
 |
| A Perfecto Feijoo |
 |
| Á Sociedade Coral Polifónica (desaparecida) |
 |
A Frei Martín Sarmiento |
 |
| A Valle-Inclán |
 |
A Claudio González Zúñiga |
 |
| A Casto Méndez Nuñez |
 |
| A Xoán Manuel Pintos |
 |
| A Víctor C. Mercadillo |
 |
| A Juan Vilaverde Barcala |
 |
| A Concepción Arenal |
 |
| A Casto Sampedro |
 |
| A Casto Sampedro |
 |
| Á "The west Galicia Railway Company Limited" |
 |
| Aos fregueses soterrados en Santa María |
 |
Á colección poética "Benito Soto" |
 |
| No centenario da iluminación eléctrica de Pontevedra |
 |
| Ás víctimas do Villa de Pitanxo |
 |
50 anos chegada do home á Lúa e reforma en praza de Barcelos |
Rúas, prazas, parques...
Parque Amalia Álvarez
Rúa Iglesias Vilarelle
Paseo Antonio Odriozola
Avenida de Augusto Sánchez
Praza de Ourense
Rúa Juan Novás
Placa realizada por Fernando Campo Sobrino para a rúa Gregorio Hernández, hoxe Pasantería
Asociadas a monumentos / monólitos
Con motivo da primeira sentenza xudicial en lingua galega...
Na memoria das vítimas antifascistas
Con motivo do 70 aniversario do Pontevedra C. F.
A Frei Martín Sarmiento (Albergue de Peregrinos "Virgen Peregrina")
Ás mulleres que ían ao muiño á beira do Río dos Gafos
Recuperación do espazo do Río dos Gafos
Restauración de cruceiro do s. XVI
No conxunto escultórico da Tertulia
No antigo monumento a José Martí
Na escultura "Moza con Galiñas"
No monumento a Rosalía de Castro
No monumento á Paz e á Libertade
No monumento á Praza de Touros
 |
| Monolito pola adquisición do convento de Santa Clara |
Inauguracións
Recuperación Río dos Gafos
Remodelación da Praza de Barcelos
Inauguración aparcamento subterráneo de Barcelos
Ponte dos Tirantes
Ponte dos Tirantes
Ponte dos Tirantes
Inauguración Recinto Feiral
Rehabilitación do Edificio Sarmiento
Inauguración da iluminación artística de Santa María
Inauguración Edificio dos Xulgados
Obra na Illa do Covo
Inauguración da Senda do Lérez
Inauguración Parque do Lérez
Inauguración da ponte de acceso Lérez-Monteporreiro
Inauguración da Ponte das Correntes
Inauguración Centro Vialia Estación de Pontevedra
Inauguración novo Edificio Xudicial
Rehabilitación do Mercado de Abastos
 |
| Acondicionamento da Xunqueira de Alba |
Outras
Xubileo Basílica de Santa María
Xubileo Basílica de Santa María
50 Aniversario Basílica de Santa María
Na antiga Porta do Camiño
No Parador Nacional de Turismo
No Edificio Fernández López
Premio Aproin 2007 Edificio Galego
Nas farolas da Ferrería
Placa falanxista do Ministerio de la Vivienda
Símbolo do Comercio na Zona Monumental
Café-Bar Rúas
Placa dos Amigos do Camiño Portugués no albergue para peregrinos
.jpg)
Comentarios
Publicar un comentario